د ښار د پاکوالي او ښکلا په موخه، د دیارلسمې ناحیې اړوند سیمو کې د یو شمېر زده کوونکو په ګډون تنظیفي حشر ترسره شو. د یادې ناحیې رئیس محمد حامد امیري د کابل ښار پاک ساتلو او آبادولو ته د ښاریانو په ځانګړې توګه د ښوونځۍ د زده کوونکو د هڅولو سربېره وویل: د ښار پاکوالي ته پاملرنه زموږ ټولو ګډ مسئولیت دی. نوموړي د یادې ناحیې له ټولو اوسېدونکو غوښتنه وکړه چې، د یوه پاک او ښایسته کابل درلودلو په موخه، د کابل ښاروالۍ له کارکوونکو سره هر اړخیزې مرستې وکړي. د ښار په پاک ساتلو کې د نني نسل رول د روښانه راتلونکې لپاره یو ښه زیری بلل کیږي