د لومړۍ ناحیې په اړوند سیمو کې د چاپیریال ساتنې له اړخه د کلچو او شیرني جوړولو دڅلویښت کارخونو د فعالیت له څرنګوالي څارنه وشوه. فعالیت کوونکو ته د اصولو او مقرراتو په پام کې نیولو، چاپیریال ساتنې، د کلچو او شیریني په جوړولو کې له کیفیت لرونکو او تائید شویو موادو څخه د ګټې اخیستنې، د دستکشو او روغتیا کارت لرلو او نورو روغتیايي موضوعاتو په اړه عامه پوهاوی ورکړل شو. د څارنو په لړ کې د شیریني او کلچو جوړولو هغه فعالیت کوونکي چې، د کابل ښاروالۍ له اصولو او مقرراتو سره یې فعالیتونه برابر وو تشویق شول او یو شمېر نورو ته چې سرغړونې یې درلودې سپارښتنه وشوه، څو هر څه ژر خپل فعالیتونه اصلاح کړي، له دې پرته به یې فعالیتونه بند کړل شي