د کابل ښاروالۍ فني او تخنیکي کارکوونکو ته د ودانیزو پروژو په پلی کیدو کې د ودانیزو موادو د کارولو د څرنګوالي په اړه، یو ورځنی ورکشاپ ترسره شو. د کابل ښاروالۍ د پروژو او برنامو د تنظیم رئیس انجنیر میرالرحمن ناصري وویل: په دې ورکشاپ کې چې، د ایزو مات شرکت په مرسته د دې ادارې د فني او تخنیکي کارکوونکو د علمي ظرفیت لوړولو په موخه جوړ شوی په بېلابېلو پړاونو کې به په ټولګټو او عمراني پروژو کې له ودانیزو توکو څخه د ګټې اخیستنې پر څرنګوالي علمي او مسلکي معلومات وړاندې شي. نوموړي له ایزو مات شرکت څخه چې، د دې ورکشاپ په ترسره کولو کې یې مرسته کړې وه مننه وکړه او زیاته یې کړه چې، د دې ورکشاپ له لارې به انجنیران او کنټرولران د پروژو د پلي کېدو په سیمه کې له نویو مسلکي او علمي معیارونو سره بلدتیا ترلاسه کړي