د شپږمې ناحیې په درېیم ګذر د ډاکتر مهدي پله او ډبرو سکرو د میداني په سیمه کې د سړک جوړولو پروژې چارې چې، څه موده وړاندې د کابل ښاروالۍ له لوري او د ملګرو ملتونو د پروژوي خدمتونو ادارې په مرسته پیل شوې وې، لاهم روانې دي. د کابل ښاروالۍ د برنامو او پروژو د تنظیم ریاست د پروژو د څارنې آمر وویل: دغه سړک په ټولیزه توګه (۴۸۲) متره اوږدوالی لري چې، (۲۱۸) متره برخه یې د (۲) متره ګلدان په ګډون (۱۴) متره سور او د (۲۶۴) مترو په اوږدوالي بله برخه یې (۱۲) متره سور لري، چې تر دې دمه یې (۹۰) سلنه چارې مخته تللې او ټاکل شوې ده تر راتلونکې نږدې یوې میاشتې پورې یې چارې بشپړې او ګټې اخیستنې ته وسپارل شي. د دې سړک په جوړېدو سره به د سیمې اوسېدونکو ته ګڼ شمېر سیمه ییزې او ترانسپورټي آسانتیاوې رامنځته شي