په بازارونو کې د توکو له نېټې او کیفیت څخه د څارنو په لړ کې د دیارلسمې ناحیې د مسئولینو له لوري د یادې ناحیې له بازارونو څخه څارنه وشوه، چې په پایله کې یې ۱۵۰۰ کیلو ګرامه بې کیفیته او تېر وخته خوراکي او روغتیايي توکي او ۲۱۰ لوډسپیکر چې، د غږیزې ککړتیا لامل ګرځيدلي وو راټول او د لمنځه وړلو په موخه ځانګړي ځای ته ولیږدول شول. له ټولو ښاریانو غوښتنه کیږي چې، د پېرلو پر مهال د توکو کیفیت او نیټې ته په جدي توګه پام وکړي او اصناف هم باید تېر وخته او بې کیفیته توکي ونه پلوري او د غږیزې ککړتیا له رامنځته کولو څخه ډډه وکړي