د کابل ښار د څوارلسمې ناحیې اړوند د دیارلسم ګذر په شملزو سیمه کې د شپږو کوڅو د جوړولو چارې چې، څه موده وړاندې د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته پیل شوې وې اوس هم دوام لري.n د يادې پروژې مسؤل انجنير عبدالهادي په دې اړه وويل: د لښتیو په ګډون دغه کوڅې چې، په ټولیزه توګه (١٥٠٠)متره اوږدوالى او په منځنۍ کچه (۴) متره سور لري، د (١١،٧) ميليونه افغانیوپه لګښت به په اساسي توګه جوړې شي. دغه پروژه تر اوسه کابو (٨٠) سلنه پرمخ تللې او ټاکل شوې ده چې، تر راتلونکې يوې مياشتې پورې به بشپړه او ګټې اخستنې ته وسپارل شي. دیادولو وړ ده چې، ددغې پروژې له لارې یو شمېر هېوادوالو ته د کار زمینه هم برابره شوې ده