په اتمه ناحیه کې د بالا حصار سیمې څخه د کابل- لوګر تر سړک پورې د کول حشمت خان سړک د جوړولو پروژه چې، څه موده وړاندې پیل شوې وه، تر اوسه (۴۵) سلنه پرمخ تللې ده. د کابل ښاروالۍ د برنامو او پروژو د ریاست د مسؤلینو په وینا، د دغه سړک بنسټیزې چارې بشپړې شوې او ډېر ژر به یې د کانکریټ کولو چارې هم پېل شي. دغه پروژه چې، د پلچکونو او لښتیو جوړول هم پکې شامل دي په ټولیزه توګه، (۳۹۰۰) متره اوږدوالی او (۷.۲) متره پلنوالی لري، او د څه باندې (۴۱) میلیونه افغانیو په لګښت به په بنسټیزه توګه بشپړه، او ورسره جوخت به له یوې خوا د ور څېرمه سیمو اوسیدونکو ته ګڼې آسانتیاوې برابرې او له بلې خوا به د کابل- لوګر پر سړک د ترافیکو ګڼه ګوڼه کمه شي. د یادونې وړ ده چې، دغه سړک ترانسپورتي زیربناوو ته د ښاریانو د لاسرسي او د اقتصادي ودې په برخوکې ځانګړی اهمیت لري