د پنځمې ناحیې په(۲۵م) ګذر کې د(۷) کوڅو کانکرېټ چارې، (۸۰) سلنه مخته تللې دي چې ډېر ژر به بشپړې او ګټې اخیستنې ته وسپارل شي. د کابل ښاروالۍ د پروژو او برنامو د تنظیم ریاست د معلومات پر بنسټ؛ دا کوڅې په ټولیزه توګه (۱۵۰۷) متره اوږدوالی او (۳) متره سور لري چې، د لښتي په ګډون به یې چارې د ملګرو ملتونو د پروژوي خدمتونو ادارې په ملاتړ د (۱۰۰) زره امریکايي ډالرو په لګښت تر راتلونکې یوې میاشتې پورې بشپړې او ورسره جوخت به د سیمې د اوسیدونکو پر وړاندې شته موسمي ستونزې حل شي. د دیادونې وړ ده چې، د دغې پروژې له لارې ګڼ شمېر ښاریانو ته کاري بوختیاوې هم رامنځته شوې دي