کابل ښاروال مولوي عبدالرشید د کابل ولایت د علماؤ شورا له رئیس شیخ الحدیث خلیفه دین محمد سره په لیدنه کې د ښاري پلانونو د پلي کېدو په اړه بحث او خبرې وکړې. په دې لیدنه کې کابل ښاروال د کابل ښار په کچه د برابرې پراختیا، دوامداره ښاري نظم، د ښاري ژوند د قانوني کېدو او ښاریانو ته د اړتیا وړ خدمتونو وړاندې کولو په برخو کې خپل پلانونه تشريح کړل او په پلي کېدو کې یې له علماؤ شورا څخه د مرستې غوښتنه وکړه. ورته مهال د کابل ولایت د علماؤ شورا رئیس له کابل ښاروالۍ سره د مرستو ژمنه وکړه او د سیمه ییزو او ټولنیزو ستونزو د حل په برخه کې یې خپل وړاندیزونه او نظرونه له کابل ښاروال سره شریک کړل. دغه راز کابل ښاروال د علماؤ شوار رئیس ته ډاډ ورکړ چې، د ښاریانو ستونزو ته به په وخت رسېدنه وشي. نوموړي د دې شورا له مخکنیو همکاریو څخه مننه وکړه او د دواړو لورو ترمنځ یې د اړیکو په پیاوړتیا ټینګار وکړ. علماءاو خطیبان د ښاري پلانونو او برنامو په پلې کېدو کې اساسي رول لري او اړینه ده چې په دې برخه کې له کابل ښاروالۍ سره د تېر په څېر همکار پاتې شي