د ځمکې د سر اوبو د مدیریت په موخه، د دولسمې ناحیې اړوند په امنیت پروژه کې د یوه کانال د جوړولو چارې، چې موده وړاندې د کابل ښاروالۍ له لوري پیل شوې وې، له پلان او وخت سره سمې روانې دي. دا کانال چې د امنیت پروژې د ځمکې سر اوبه د لوګر سیند ته لېږدوي؛ (۱۲۹۷) متره اوږدوالی، (۱،۹) متره سور او له (۱) تر (۲) مترو پورې ژوروالی لري چې، چارې به یې له (۳) میاشتو څخه په کمه موده کې بشپړې شي. د دې کانال په جوړېدو سره به سړکونو ته د اوبو راختلو ستونزې حل او د عامه تأسیساتو له ژر ویجاړېدو څخه به مخنیوی وشي