د کابل ښاروالۍ د مارکیټونو د تنظیم ریاست د مسئولینو له لوري د اتمې ناحیې په بېلابېلو سیمو کې د بازارونو نظم وڅارل شو چې په پایله کې یې یو شمېر ښاري سرغړونو او په پلو لارو او سړکونو کې ناقانونه خنډونو ته رسېدنه وشوه. د کابل ښاروالۍ د مارکیټونو د تنظیم رئیس مولوي محمد یونس مدثر په ټينګار سره وویل:هټیوالو او ګرځنده پلورونکو ته خبر ورکول کیږي چې، خپل مالونه په پلولارو کې ځای پر ځای نه کړي او د ښاري بې نظمۍ لامل ونه ګرځي. نوموړي زیاته کړه چې، د ښار په کچه په بازارونو کې ښاري نظم د حمایوي او تقویتي پروګرامونو له لارې څارل کیږي او هیڅ چاته اجازه نه ورکوي چې، په بېلابېلو پلمو ښاري نظم ګډوډ کړي. د ښاغلي مدثر په وینا له سرغړونکو سره قانوني چلند کیږي. ورته مهال د اتمې ناحیې رئیس سیدشاه حمیدي وویل: اوس مهال د کارته نو په بازار او نورو سیمو کې ښاري نظم رامنځته شوی دی او ښاریان د مسئولینو له کړنو خوښ دي. له یادو سیمو څخه ګرځنده پلورونکي ټاکل شویو سیمو ته لیږدول شوي دي څو د ښاري ګډوډۍ لامل ونه ګرځي