د کمپنۍ- برچي نښلوونکي سړک دجوړولو چارې چې، د روان کال د غبرګولي په میاشت کې پیل شوې وې، تر دې دمه (۶۰) سلنه مخته تللې دي. د کابل ښاروالۍ د کار ،ساتنې او مراقبت ریاست د پلونو او سړکونو آمر انجنیر محمد داود ځواب وویل: دا سړک چې له قلعه ناظر سیمې څخه د نقاش ترحمام پورې په ټولیزه توګه (۲۲۷۴) متره اوږدوالی او (۳۰) متره سور لري ، د یوه معیاري سړک د ټولو برخو په ګډون د پنځمې او دیارلسمې ناحیې ترمنځ د جوړیدو په حال کې دی. اوس مهال چې د یاد سړک پاتې برخې قیر کولو ته د چمتو کېدو په حال کې دي، په اوږدو کې یې د کابل سیند پر سر د موټرو د تګ راتګ لپاره د دوه بنسټیزو پلونو د جوړولو چارې چې، په ټولیزه توګه (۲۰) متره اوږدوالی او (۹،۶) متره سور لري هم روانې دي. نوموړي زیاته کړه چې، هڅه کوي څو د سړو موسم تر را رسېدو وړاندې د دې سړک چارې بشپړې او ورسره جوخت به له یوې خوا د پل سوخته سیمې ترافیکي ګڼه ګوڼه کمښت ومومي او له بلې خوا به د سیمو اقتصادي ودې ته زمینه برابره شي