د کابل ښاروالۍ د اداري شورا غونډه د کابل ښاروال مولوي عبدالرشید په مشرۍ ترسره شوه. په دې غونډه کې چې، د کابل ښاروالۍ د مرستیالانو، د مرکزي ریاستونو او ناحیو د رئیسانو په ګډون ترسره شوه، د ودانیز جواز د ورکولو د کړنلارې پر مادو، د چاپیریال ساتنې د سرغړونکو د فعالیتونو د بندېدو پر صلاحیت، د هغه ګذر وکیلانو د نوماندېدلو چې، مؤکلین یې د صفایۍ د محصول کتابچه نه لري، د حقوقي او تخنیکي ستونزو د حل او یو شمېر نورو مسایلو په اړه بحث وشو او اړینې پرېکړې ترسره شوې. کابل ښاروال یو ځل بیا اړوندو مسئولینو ته سپارښتنه وکړه چې، د غوره ښاري خدمتونو وړاندې کولو لپاره ډېر کار ته اړتیا ده او دوی باید په خپلو دندو کې ګټورې کړنې ترسره او د لا ښو ښاری خدمتونو وړاندې کولو په موخه دې اوچت ګامونه پورته کړي