د کابل ښاروالۍ له لوري د دولسمې ناحیې اړوند د احمد شاه بابا مېنې د پنځم او شپږم بلاک ترمنځ د (۷۳۰) مترو په اوږدوالي او د (۱۲) مترو په سور سره د دوه نښلوونکو سړکونو د جوړولو چارې روانې دي. ټاکل شوې ده چې،د خلکو د ستونزو د حل او ګڼ شمېر ټولنیزو او ترانسپورتي آسانتیاوو ته د لاس رسي په موخه ، د دغو سړکونو چارې ډېر ژر بشپړې او ګټې اخیستنې ته به وسپارل شي. د کابل ښاروالۍ د برنامو او پروژو د تنظیم ریاست انجنیران د پروژې د کیفیت د تضمین او په ټاکلي وخت د پروژې د پلي کولو په موخه، د دې پروژې د کار له څرنګوالي څخه په دوامداره توګه څارنه کوي