کابل ښاروال مولوي عبدالرشید د سلګونو ښاریانو عریضو ته رسېدنه وکړه او په اړوند یې مسئولانو ته ځانګړې لارښوونې وکړې. نوموړی د اونۍ په وروستیو ورځو کې د سلګونو ښاریانو عرايض له نږدې ګوري او د دوی ستونزې اوري او دغه رازا چاپیریالي او ښاري ستونزو ته د رسېدو په موخه د دوی له وړاندیزونو او نظرونو ګټه اخلي. هر ښاري کولای شي د خپلې ستونزې د حل په موخه عریضه وکړي او کابل ښاروال له نږدې وویني. ښاریان په ځانګړې توګه د دې ادارې مراجعین د اسنادو د کارونو په بشپړېدو کې د تېر په پرتله د کابل ښاروالۍ له کړنو خوشحاله دي او دا اداره د هر ډول ښاري خدمتونو وړاندې کولو په برخه کې بې درېغه هڅې کوي. د یادونې وړ ده چې، په تېرو کلونو کې د ښاریانو کارونو ته د غفلت له امله رسېدنه نه کېده او ډیر وخت یې نیولو چې، ښاریانو ته یې ستونزې را ولاړې کړې وې