د کابل ښاروالۍ له لوري او د ملګرو ملتونو د پروژوي خدمتونو ادارې په مرسته، د دوه ویشتمې ناحیې په ۱۸م ګذر د کمري په سیمه کې د(۶۵۰) مترو په اوږدوالي او د(۸) مترو په سور سره د یوه سړک د جوړولو چارې د بشپړېدو په حال کې دي. د دې سړک په جوړېدو سره به د سیمې اوسېدونکي غوره ټولنیزو او ترانسپورتي آسانتیاوو ته لاس رسی ومومي. له ښاري آسانتیاوو څخه بې برخې ښاریانو ته د آسانتیاوو رامنځته کول، یو له هغه لومړیتوبونو څخه دی چې، کابل ښاروالۍ ورته ډېره پاملرنه لري، په همدې غرض د یادې سیمې اوسېدونکو لپاره دغه د سړک جوړولو لومړنۍ پروژه طرحه او پلې شوې ده او په راتلونکي کې به هم ورته نورې پروژې طرحه او پلي شي