د ښاري نظم او ښاريانوته د آسانتیاو رامنځته کېدو په نیت، دکابل ښار سویل خواته د شلمې ناحیې اړوند د دشت سقاوه د تېلو زیرمې ته څېرمه د لرګیو لیږد موټرو د هډې لپاره مناسب ځای ټاکل شوی دی. د شلمې ناحیې رئیس مولوي عبدالغفور عمري په دې اړه وویل: دا سیمه (۲۰) جریبه مساحت لري چې، د خوست، لوګر، پکتیا، پکتیکا او ننګرهار ولایت د لوړ توناژ لرونکي موټر دې ځای ته لیږدول کیږي او وروسته ښاریان کولای شي د کوچنیو موټرو په وسیله خپل د اړتیا وړ لرګي له دې ځایه د ښار نورو سیمو ته ولیږدوي. نوموړي زیاته کړه چې، کابل ښاروالي په دې سیمه کې د جغل اچولو سربېره نورې ښاري آسانتیاوې هم رامنځته کوي او ښاریانو ته به پکې له قانون سره سم د هټیو او رستورانتونو د جوړولو اجازه هم ورکړل شي. په دې سیمه کې د یوه جومات، ښاري تشنابونو او نورو اړتیاوته هم ځمکه په پام کې نیول شوې ده
د شلمې ناحیې په اړوند سیمو کې د لرګیو دلیږد موټرو د هډې لپاره مناسب ځای ټاکل شوی دی
26 میزان 1402