ښاریانو ته د ترانسپورټي آسانتیاوو رامنځته کولو په موخه، د کابل ښاروالۍ له لوري د پنځمې ناحیې اړوند د کمپنۍ - کوټه سنګي سړک د فرعي لیکو قیر چارې روانې دي. د کابل ښاروالۍ د برنامو او پروژو د تنظیم ریاست د زیربنايي پروژو د څارنې آمر انجنیر حامد سادات وویل: دا دوه فرعي سړکونه په ټولیزه توګه (۱۱۲۸۴) متره اوږدوالی او (۱۰.۷) متره سور لري چې، د پلو لارو په ګډون یې د یوې ليکې لومړی پړاو قیر چارې څه موده وړاندې بشپړې شوې دي او اوس مهال یې د دویم پړاو چارې روانې دي چې ډېر ژر به بشپړې او ګټې اخیستنې ته وسپارل شي. د دې سړکونو په جوړېدو سره به له یوې خوا د سیمو ترافیکي ستونزې هوارې شي او له بل لوري به ښاریان ګڼ شمېر ښاري آسانتیاوو ته لاس رسی ومومي
د کمپنۍ - کوټه سنګي سړک د فرعي لیکو قیر چارې روانې دي
29 میزان 1402