د څلورمې او پنځلسمې ناحیې اړوند له هنګرها څلورلارې څخه د تایمني پروژې د پنځم سړک تر څلورلارې پورې په ټولیزه توګه د ( ۱۸۴۵) مترو په اوږدوالي او د (۱۶) مترو په سور سره د سلطان محمود غزنوي سړک د فرعي لیکو د جوړولو چارې روانې دي. دا دوه فرعي لیکې د لښتیو، پلو لارو او ګلدانونو په ګډون جوړیږي چې، (۳۰) میلیونه افغانۍ لګښت پرې راځي او چارې به یې تر راتلونکو (۴) میاشتو پورې بشپړې شي. د دې سړکونو په جوړېدو سره به له یوې خوا د سیمو ترافیکي ستونزې هوارې شي او بل خوا به ښاریانو ته ګڼ شمېر آسانتیاوې رامنځته کړي
د سلطان محمود غزنوي سړک د فرعي لیکو د جوړولو چارې روانې دي
29 میزان 1402