د اتلسمې ناحیې په ۴م ګذر بختیاران سیمه کې د یوه سړک د جوړولو چارې چې، څه موده وړاندې د کابل ښاروالۍ له لوري د ملګرو ملتونو د پروژوي خدمتونو ادارې په مرسته پیل شوې وې، لاهم روانې دي. د کابل ښاروالۍ د پروګرامونو او پروژو د تنظیم ریاست د پروژو د څارنې آمر انجنیر ذبیح الله رحیمي وویل: دا سړک د لښتي په ګډون ۱۱۲۵ متره اوږدوالی او ۵ متره سور لري چې، تر دې دمه یې ۲۵ سلنه چارې مخته تللې دي او راتلونکو دوه میاشتو پورې به یې چارې بشپړې او ګټې اخیستنې ته به وسپارل شي. د دې پروژې له لارې د سیمې اوسېدونکو ته کاري بوختیاوې رامنځته شوې دي او له بل لوري په جوړېدو سره به یې د خلکو د خاورو او خټو ستونزې حل شي