په اتمه ناحیه کې د بالاحصار له سیمې څخه د کابل- لوګر تر سړک پورې د کول حشمت خان سړک د کانکریټ کولو چارې، دبنسټیزو چارو تر بشپړیدو وروسته پیل شوې. د کابل ښاروالۍ د برنامو او پروژو دتنظیم ریاست د زیربنایي پروژو د څارنې آمر انجنیر محمد حامد سادات په دې اړه وویل: دلښتیو او پلچکونو په ګډون دغه سړک، په ټولیزه توګه (۳۹۰۰) متره اوږدوالی او (۷.۲) متره سورلري چې د (۴۱) میلیونو افغانیو په لګښت به په اساسي توګه جوړ او ډیر ژره به ګټې اخیستنې ته وسپارل شي. نوموړي زیاته کړه: د کار د ښه کيفيت د تضمين په موخه به د دغې پروژې دپلي کېدو له بيلابيلو پړاوونو څخه هم څارنه کيږي. دغه سړک ترانسپورتي زیربناوو ته د لاسرسي او اقتصادي ودې په برخه کې ځانګړی اهمیت لري چې، په بشپړیدو سره به یې د ګاونډیو سیمو اوسیدونکو ته آسانتیاوې برابرې او د کابل- لوګر پر سړک به ترافیکي ګڼه ګوڼه هم کمه شي