د کابل ښاروالۍ د کار، ساتنې او مراقبت ریاست له لوري د ښار په مرکزي برخه کې د پل خشتي د بیارغونې چارې روانې دي. د کابل ښاروالۍ د کار، ساتنې او مراقبت ریاست د پلونو او سړکونو د بیارغونې آمر انجنیر شریف الله قادري په دې اړه وویل: په لومړي سرکې د (۷۶) مترو په اوږدوالي او (۴) مترو په سور سره د دغه پله پلې لارې، د کابل ښاروالۍ د تولید فابریکې له تولید شویو تیږو څخه په ګټه اخیستلو په بنسټیزه توګه جوړیږي. نوموړي زیاته کړه چې، د دې پله یو شمېر برخې د وخت په تېریدو سره زیانمنې شوې وې چې، له تخنیکي او فني مطالعاتو وروسته یې د بیارغونې چارې پیل شوې. د پل خشتي د بیارغونې په دې پروژه کې د پله د فرش بیارغونه، دپله پیاوړي کول، د کټارو نصبول او رنګول هم شامل دي. پل خشتي د(۳۸) مترو په اوږدوالي او د (۳۰) مترو په سور سره د کابل سیند دپاسه یو له پخوانیو پلونو څخه شمېرل کیږي