د دوه ویشتمې ناحیې او بګرامیو ولسوالۍ اړوند د ګوسفند درې په سیمه کې د خلیفه صيب دین محمد تر مدرسې پورې د (۲۹۳۹) مترو په اوږدوالي او د (۷،۴) متره په سور سره د یوه سړک کانکرېټ چارې په چټکۍ سره روانې دي. د کابل ښاروالۍ د برنامو او پروژو د تنظیم ریاست د معلوماتو پر بنسټ؛ د دې پروژې چارې ۵۰ سلنه مخته تللې دي او هڅه کیږي چې، د سړو موسم تر را رسېدو وړاندې یې چارې بشپړې او ګټې اخیستنې ته وسپارل شي. د کابل ښاروالۍ عمراني پروژې برابرې پراختیا ته په کتو پلې کیږي، څو په دې توګه ټول ښاریان ترانسپورتي آسانتیاو ته لاس رسی ومومي