کارکوونکو ته د مناسب کاري چاپېریال او ښاریانو ته د آسانتیاوو رامنځته کولو په موخه، د درېیمې ناحیې د نوي اداري ودانۍ د جوړولو چارې د دهبوري په سیمه کې پیل شوې. د کابل ښاروالۍ د برنامو او پروژو د تنظیم ریاست د مسئولینو په وینا، دا ودانۍد یوې تهکوۍ په ګډون په پنځو پوړونو کې په بنسټیزه توګه جوړیږي. د دې ودانۍ د ډیزاین له مخې په هر پوړ کې اداري دفترونه، د غونډو خونه، دهلیز او تشناب په پام کې نیول شوي دي چې، د جوړولو چارې به یې د (۷،۳) میلیونه افغانیو په لګښت، د (۳) میاشتو په موده کې بشپړې شي