د کابل ښاروالۍ له لوري او د ملګرو ملتونو د پروژوي خدمتونو ادارې په مرسته، د څوارلسمې ناحیې اړوند ۱۹م ګذر د عیسي خیلو سیمه کې د (۱۴۰۱) مترو په اوږدوالي او (۶) مترو په سور سره د سړک جوړولو چارې روانې دي. د کابل ښاروالۍ د پروژو او برنامو د تنظیم ریاست د مسئولینو په وینا، په دې پروژه کې د لښتي، پلونو او د (۲۱۳) مترو په اوږدوالي د استنادي دېوالونو جوړول شامل دي چې، تر دې دمه یې (۵۰) سلنه چارې مخته تللې دي او هڅه کیږي چې تر راتلونکې یوې میاشتې پورې بشپړې او ګټې اخیستنې ته وسپارل شي