د دیارلسمې ناحیې په ۳۷م ګذر کې له شهدای معارف سرک څخه تر عرفاني ښارګوټي پورې د ۵۶۰ مترو په اوږدوالي او د ۹،۸ متره په سور سره د نوي جوړېدونکي سړک چارې ۶۰ سلنه مخته تللې دي. د کابل ښاروالۍ د برنامو او پروژو د تنظیم ریاست د معلوماتو پر بنسټ؛ په دې پروژه کې د تیږو فرش په بڼه د لښتیو جوړول هم شامل دي چې، ډېر ژر به یې کانکرېټ چارې پیل شي. دا پروژه د کاري بوختیاوو او سالم چاپیریال رامنځته کولو په موخه د کابل ښاروالۍ له لوري د ملګرو ملتونو د پروژوي خدمتونو ادارې په مرسته پلې کیږي