د اقتصادي ودې او له ښاري سیمو څخه د غوره ګټې اخیستنې په موخه، د ۱۱مې او ۱۵مې ناحیو د پنجصد فامیلیو سیمې د زېرزمینۍ په پورتنۍ برخه کې، د (۵۶) هټیو د جوړولو چارې روانې دي د کابل ښاروالۍ دبرنامو او پروژو دتنظیم ریاست د معلوماتو له مخې؛ دغه دوکانونه چې د کابل ښاروالۍ ملکیت دی، د یادې سیمې په درېیو برخو کې په معیاري او اساسي ډول جوړیږي. د دې دوکانونو د جوړولو چارې دوو قراردادي شرکتونو ته ورکړل شوې دي. د ښه کیفیت د تضمین او په ټاکلي وخت کې د پروژې د پلي کولو په موخه، په دوامداره توګه څارنه کیږي. د ذکر شوو دوکانونو په جوړېدو سره به له یوې خوا دپنجصد فامیلیو سیمې له پلو لارو څخه سمه ګټه واخیستل شي او بل خوا به د سیمې اقتصادي ودې ته هم زمینه برابره شي