ښاریانو ته د ښاري او ترانسپورټي آسانتیاوو رامنځته کولو په موخه، د کابل ښاروالۍ له لوري او د ملګرو ملتونو د پروژوي خدمتونو ادارې په مرسته، د شلمې ناحیې د څلورم ګذر په چهار آسیاب سیمه کې د فرعي سړکونو د جوړولو چارې پیل شوې. دغه فرعي سړکونه په ټولیزه توګه (۷۶۰) متره اوږدوالی او له (۳.۵) څخه تر(۴.۵) مترو پورې سور لري لري چې، د لښتیو او (۶) پلچکونو په ګډون به یې چارې د درې میاشتو په موده کې بشپړې شي. د دغې پروژې له لارې ګڼ شمېر ښاریانو ته کاري زمینه هم برابره شوې ده. د کابل ښاروالۍ د پروژو او برنامو د تنظیم ریاست انجنیران به د یادې پروژې د کار له څرنګوالي څخه پر وخت له تخنیکي او فني اړخه خپلې څارنې کوي د یادونې وړ ده چې، لرې پرتو او له ښاري آسانتیاوو څخه محرومو ناحیو ته پاملرنه، د کابل ښاروالۍ لومړیتوب دی چې، دښار په بېلا بېلو سیموکې ورته پاملرنه شوې ده