د درېیمې، شپږمې، پنځمې، اوومې او دیارلسمې ناحیې مسئولین او ګڼ شمېر ښاريان لاس په کار شوي دي ترڅو د کابل سیند له ککړتیا څخه مخنیوی وکړي. په همدې موخه د یادو ناحیو په اړوند سیمو کې له کثافاتو څخه دکابل سیند د پاکولو چارې روانې دي. د کابل ښار او کابل سیند پاک ساتلو ته پاملرنه، زموږ ټولو ګډ مسئولیت دی؛ له دې امله له ټولو ښاریانو چې، د کابل سیند په اوږدو کې ژوند کوي، غوښتنه کیږي چې، په کابل سیند کې د کثافاتو له اچولو ډډه وکړي، له دې پرته به له سرغړونکو سره قانوني چلند وشي. د یادونې وړ ده چې، په تېرو وختونو کې د یو شمېر ښاریانو د بې پروایۍ له امله، د کابل سیند ډیری برخه د کثافاتو اچولو په ځای بدله شوې وه؛ چې له دې وروسته به له دغه ناوړه عمل څخه په جدي توګه مخنیوی وشي