د ځمکې سر اوبو دمدیریت په موخه، د کابل ښاروالۍ د تنظیف ریاست له خوا د ښار په بېلابېلو سیمو کې د ټولو بندو کانالونو او لښتیو د پاکولو چارې روانې دي. د کابل ښاروالۍ د تنظیف رئیس مولوي سعدالله عثماني په دې اړه وویل: د کانالونو او لښتیو د بندېدو لامل د يو شمېر ښاريانو بې پروايي ده چې، د هر ډول کثافاتو په اچولو سره یې د اوبو دتګ لارې بندې کړې دي، دا عمل له ښاري او چاپیریالي قوانینو سره په ټکر کې دی او په ښار کې د اوبو ډنډېدو او د سړکونو د ویجاړیدو لامل کیږي. ښاغلي عثماني له کابل ښاریانو غوښتنه وکړه چې، د خپلو ملکیتونو مخې ته د کانالونو او ويالو پاکولو ته ډېره پاملرنه وکړي، ځکه اوس مهال د کابل ښاروالۍ د بشري ځواک ډیری برخه په پاکولو بوخت دي