ترانسپورتي آسانتیاوو ته د لاس رسي په موخه، د کابل ښاروالۍ له لوري او د ملګرو ملتونو د پروژوي خدمتونو ادارې په مرسته، د نهمې ناحیې اړوند دویم ګذر د هوت خیلو په سیمه کې د یوه سړک د جوړولو چارې روانې دي. د کابل ښاروالۍ د برنامو او پروژو د تنظیم رياست د معلوماتو له مخې، په دې پروژه کې د لښتیو په ګډون د (٨٥٠) مترو په اوږدوالي او له ( ٤،٥ څخه تر ٥) مترو په سور د يو سړک د جوړولو چارې شاملې دى چې د یوې میاشتې په موده کې به په بنسټیزه توګه بشپړې شي. په دې پروژه کې ګڼ شمېر ښاریانو ته کاري بوختیاوې هم رامنځته شوې دي