د کابل ښاروالۍ د ودانیزو چارو مرستیال انجنیر عامر زمرک یاسر د خیرخانې کوتل سړک دقیر کولو له چارو څخه څارنه وکړه او د چارو په چټکتیا او لوړ کیفیت یې ټینګار وکړ. تر اوسه پورې د دغه سړک د یوې کرښې د قیر چارې د کوتل له بازار څخه تر سرای شمالي پورې بشپړې شوي او ډېر ژر به یې د دویمې کرښې چارې هم بشپړې شي. د کوتل سړک لومړۍ برخه (۳۷۱۰) متره اوږدوالی او (۲۷) متره سور لري چې، پلې لارې، پلچکونه، استنادي دېوالونه، تمځایونه، ګلدانونه، څراغونه او د یوه معیاري سړک ټول جزئیات په کې شامل دي، او د ژر بشپړېدو په موخه یي د کابل ښاروالۍ د ودانیزو چارو مرستیال اړوندو مسؤلینو او قراردادي شرکت ته دنده سپارلې چې په دې برخه کې له هیڅ راز هڅو څخه ډډه ونکړي. د خیرخانې کوتل د سړک جوړول او پراختیا ، د کابل ښاریانو یوه له پخوانیو هیلو څخه وه چې اوس د پوره کېدو په حال کې ده