د کارکوونکو لپاره د مناسب کاري چاپېریال او ښاریانو ته د آسانتیاوو رامنځته کولو په موخه، په دهبوري سیمه کې د درېیمې ناحیې د نوې اداري ودانۍ د جوړولو چارې روانې دي. د کابل ښاروالۍ د برنامو او پروژو د تنظیم ریاست د مسئولینو په وینا؛ یاده ودانۍ په (۱۴۰) متر مربع ځمکه کې د (۵) پوړونو په درلودلو سره په بنسټیزه توګه جوړیږي. د ډيزاین له مخې د دې ودانۍ په هر پوړ کې اداري دفترونه، د غونډو خونې، دهلیز او تشناب په پام کې نیول شوي دي چې، چارې به یې تر راتلونکو دوه میاشتو پورې بشپړې شي