د سطحي اوبو د تنظیم او مدیریت په موخه، د کابل ښاروالۍ د تنظیف ریاست، د هوايي ډګر په لوېدیځ کې د هوا پېژندنې ادارې سړک غاړو ته د بندو لښتیو د پاکولو چارې پیل کړې. د تنظیف ریاست د کانالونو آمر انجنیر نوید احمد شیرزاد په دې اړه وویل: له بده مرغه د دغه سړک غاړو ته لښتۍ چې، د هر ډول کثافاتو اچولو له امله په بشپړه توګه بند شوې دي، د بیاځلي پاکولو چارې یې پیل شوې ترڅو د ورښت پر مهال د زیاتو اوبو راوتلو او د سړک له ویجاړېدو څخه مخنیوي وشي. نوموړي د سيمې له اوسېدونکو غوښتنه وکړه چې، د دغه سړک دغاړو لښتیو پاک ساتلو ته جدي پاملرنه وکړي