د کابل ښاروالۍ له لوري او د ملګرو ملتونو د پروژوي خدمتونو د دفتر په مرسته، د اوومې ناحیې اړوند، ۳۷م ګذر د ریشخورو د فامیلو په سیمه کې د (۸۶۶) مترو په اوږدوالي او (۶) مترو په سور سره د یوه سړک د جوړولو چارې روانې دي. د کابل ښاروالۍ د برنامو او پروژو د تنظیم ریاست د معلوماتو پر بنسټ؛ په دې پروژه کې له تيږو څخه د لښتیو جوړول او د (۲۳۰) مترو په اوږدوالي، له (۱،۱) مترو څخه تر(۸۰) سانتي مترو په سور او د (۱،۸) مترو په لوړوالي د یوه استنادي دیوال جوړول هم شامل دي چې، تر اوسه یې (۳۵) سلنه چارې مخته تللې دي. هڅه کیږي چې، د هوا د ښه والي په صورت کې به د یاد سړک د لښتي چارې بشپړې او پاتې چارې به یې په راتلونکي کال کې ترسره شي