د کابل ښاروالۍ په وړاندیز او د ریاست الوزرا د محترم مقام په منظورۍ، الحاج مولوي عبدالله بلوچ د تدارکاتو د نوي رئیس، محترم مولوي فضل کریم حقپرست د دویمې ناحیې د نوي رئیس او مولوي عبدالصمد عابد د دیارلسمې ناحیې د نوي رئیس په توګه ټاکل شوي او د کابل ښاروالۍ د مقام د دفتر د رئیس حافظ عبدالقادر حقاني له خوا خپلو همکارانو ته ور وپېژندل شول. په هغه پېژندغونډه کې چې له همدې امله جوړه شوې وه، دکابل ښاروالۍ د مقام د دفتر رئیس په خپلو خبرو کې د چارو د چټکتیا او سمبالښت په موخه د کابل ښاروالۍ د مشرتابه سپارښتنې په ډاګه کړې او ویې ویل: په اداره کې بدلون د چوپړتیاوو د ښه والي لپاره یو اصل دی، نوي ګمارل شوي کسان ژمن، صادق او د ښې کاري تجربې لرونکي دي. د کابل ښاروالۍ مشرتابه هیله لري چې، نوي ګمارل شوي مسؤلین به خپل مسوولیت په پوره ایماندارۍ او اخلاص سره ترسره کړي تر څو د ښاریانو رضایت لا زیات ترلاسه شي