د کابل ښاروالۍ له لوري د ملګرو ملتونو د پروژوي خدمتونو ادراې په مرسته د شلمې ناحیې په ۶م ګذر ګلباغ سیمه کې د یوه فرعي سړک کانکرېټ چارې روانې دي. د کابل ښاروالۍ د پروګرامونو او پروژو د تنظیم ریاست د معلوماتو پر بنسټ؛ دا سړک ۴۵۰ متره اوږدوالی او ۱۰ متره سور لري چې، د لښتي او کوچنیو پلونو په ګډون یې تر دمه ۹۵ سلنه چارې مخته تللې دي او تر راتلونکې یوې اونۍ پورې به یې کار بشپړ او ګټې اخیستنې ته به وسپارل شي. د دې سړک په جوړېدو سره به د سیمې اوسېدونکو ته ګڼ شمېر ټولنیزو او ښاري آسانتیاوې رامنځته شي