د کابل ښاروالۍ له لوري او د ملګرو ملتونو د پروژوي خدمتونو د دفتر په مرسته، د نهمې ناحیې اړوند ٢م ګذر د هوتخیلو په سیمه کې د فرعي سړک کانکریټ چارې په چټکۍ سره روانې دي. د کابل ښاروالۍ د پروژو او برنامو د تنظیم ریاست د معلوماتو پر بنسټ؛ دغه فرعي سړک (٨٥٠) متره اوږدوالی او له(۴،۵) څخه تر(٥) مترو پورې سور لري چې، چارې به یې تر راتلونکو (١٥) ورځو پورې بشپړې شي. د دې سړک په جوړېدو سره به د سیمې د اوسېدونکو ګڼ شمېر ستونزې حل او ټولنیزو آسانتیاوو ته به لاس رسی ومومي