ښاریانو ته د ترانسپورتي او سیمه ییزو آسانتیاوو رامنخته کولو په موخه، د پنځمې ناحیې اړوند ۱۹م ګذر د قلعه واحد په سیمه کې د(۱۷۶۲) مترو په اوږدوالي او له (۲،۵) څخه تر(۴) مترو پورې په سور سره د کوڅو کانکرېټ چارې روانې دي. دغه پروژه د کابل ښاروالۍ د پروژو او برنامو د تنظیم ریاست تر مدیریت لاندې د ملګرو ملتونو د پروژوي خدمتونو ددفتر په مرسته د خلکو د ستونزو د حل په موخه پلې کیږي. د دغو کوڅو په جوړېدو سره به د ښاریانو چاپیریالي ستونزې حل او غوره ټولنیزو آسانتیاوو ته به لاس رسی ومومي. د یادونې وړ ده چې، په دې پروژه کې ګڼ شمېر ښاریانو ته کاري بوختیاوې هم رامنځته شوې دي