د کابل ښاروالۍ د تنظیف ریاست له لوري د ځمکې د سر اوبو د مدیریت په موخه، د نهمې ناحیې اړوند د صنعتي پارکونو په سیمه کې د بندو لښتیو د پاکولو چارې روانې دي. د تنظیف ریاست د کانالونو آمر انجنیر نوید احمد شیرزاد په دې اړه وویل: د دغې سیمې لښتي د یو شمېر ښاریانو له لوري د کثافاتو اچولو له امله په بشپړه توګه بند شوي وو چې، په بنسټیزه توګه بیا ځلي پاکیږي څو د اورښتونو په مهال سړک ته د اوبو له راختلو مخنیوی وشي. نوموړي هیله څرګنده کړه چې، په یاده سیمه کې فعالیت کوونکي باید د لښتیو پاک ساتلو ته پام وکړي، ځکه د دوی بې پروايي د زیارکښه کارکوونکو کار ډېروي او د دوی د ستړیا لامل ګرځي