د کابل ښاروالۍ د مارکیټونو د تنظیم ریاست له لوري د نهمې او لسمې ناحیې په اړوند سیمو کې د نانوایانو له وضعیت، د نرخنامې د تطبیق له څرنګوالي او په بازارونو کې د خوراکي او غیر خوراکي توکو له کیفیت او نېټې څخه څارنه وشوه او سرغړونکي له قانوني چلند سره مخ شول. د مارکیټونو د تنظیم ریاست مرستیال انجنیر عصمت الله انصار په دې اړه وویل: سرغړونکو ته سپارښتنه وشوه چې، د بیا ځلي سرغړونې په صورت کې به یې فعالیتونه بند شي. نوموړي له ټولو هټیوالو او اصنافو څخه غوښتنه وکړه چې، انصاف په پام کې ونیسي او د کابل ښاروالۍ د نرخنامې له مخې خپل توکي وپلوري. ښاغلي انصار زیاته کړه چې، مخکې ټولو هټیوالو ته خبر ورکړل شوی دی چې، نرخنامه دې د لیدلو وړ ځای کې وځړوي