د کابل ښار د هوا له ککړتیا څخه د مخنیوي او کمښت په موخه؛ د پنځمې ناحیې د مسئولینو له لوري د یادې ناحیې په اړوندو سیمو کې د مرکز ګرمۍ سیسټم لپاره د لوګي د تصفیې فلټر له څرنګوالي څخه څارنه وشوه. د پنځمې ناحیې مرستیال رفیع الله احمدزي په دې اړه وویل: د کابل ښاروالۍ څارنې شپه او ورځ روانې دي چې، په پایله کې یې د یادې ناحیې په اړوندو سیمو کې د هوا ککړونکې یو شمېر سرچینې اصلاح شوې او د لوګي د تصفیې معیاري فلټرونه یې نصب کړي دي. په همدې توګه سرغړونکو ته له اړینو سپارښتنو سربېره، له دوی ژمنه اخیستل شوې ده څو، هرڅه ژر د خپلې مرکز ګرمۍ سیسټم لپاره د لوګي د تصفیې فلټر نصب او فعال کړي؛ له دې پرته به یې فعالیت بند شي چې بیا د شکایت حق نه لري