د زرغونو او تفریحي سیمو د پراختیا په موخه، د اتمې ناحیې اړوند د رحمن مېنې په E برخه کې د یوه تفريحي پارک د جوړلو چارې روانې دي. دغه پارک چې (۱۳۰۰۰) متر مربع مساحت لري، په لومړي سر کې یې د (۱۱۰۰) مترو په اوږدوالي او د(۸۰) سانتي مترو په لوړوالي له تیږو څخه د احاطې دیوال جوړېږي چې، تر دې دمه یې (۵۰) سلنه چارې مخته تللې دي. وروسته به د یاد پارک د کټارو د نصب،د دروازو، له تيږو څخه د پلو لارو، د ساتونکي خونه، لوبغالي، دسیوري ځای جوړولو، د خړوب په موخه د څاه کېندلو، د اوږدو څوکیو د نصب او د زرغونتیا په اړه اقدام وشي