د ۱۳مې ناحیې اړوند په ۵۱، ۵۲ او ۵۴ ګذرونو کې د جبارخان سیمې سړک د کانکریټ کولو چارې چې، څه موده وړاندې د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته پیل شوې وې، د بشپړیدو په حال کې دي. د کابل ښاروالۍ دبرنامو او پروژو د تنظیم رياست د مسؤلينو په وینا: د لښتیو په ګډون دغه سړک (٢٤٤٠) متره اوږدوالى او (۶.۸۵) متره سور لري، چې چارې به یې تر راتلونکې يوې اوونۍ بشپړې او ګټې اخيستنې ته وسپارل شي. د دغې پروژې دپلي کېدو له څرنګوالي او د کار د ښه کیفیت د تامین په موخه، په منظمه توګه فني او تخنیکي څارنې ترسره شوې دي. د دغه سړک په بشپړیدو سره به د سیمې د اوسیدونکو پر وړاندې شته موسمي ستونزې هوارې او دوی ته به غوره ټولنیزې او ښاري آسانتیاوې برابرې شي