د پنځمې ناحیې د مسئولینو له لوري د یادې ناحیې په بازارونو کې د نرخنامې د تطبیق او د توکو د کیفیت او نېټې له څرنګوالي څخه څارنه وشوه چې، په پایله کې یې سرغړونکو ته خبرداری ورکړ شو چې، له نرخنامې څخه د بیا ځلي سرغړونې په صورت کې به له دوی سره قانوني چلند وشي. د پنځمې ناحیې مرستیال رفیع الله احمدزي له هټیوالو او اصنافو څخه وغوښتل چې، د پلورلو پر وخت انصاف په پام کې نیسي او د کابل ښاروالۍ د نرخنامې له مخې خپل توکي وپلوري. د یادونې وړ ده چې، د څارنې په لړ کې یو شمېر خوراکي اوغیر خوراکي توکي، چې د مصرف نېټه یې پای ته رسېدلې وه او کیفیت یې هم د قناعت وړ نه وو راټول او د له منځه وړلو په موخه ټاکلي ځای ته ولیږدول شول