د دیارلسمې ناحیې د ۴۱م ګذر اړوند د برچي په قلعه نو سیمه کې د(۵)کوڅو کانکریټ چارې د بشپړېدو په حال کې دي. د کابل ښاروالۍ د برنامو او پروژو د تنظیم رياست دمسؤلينو په وینا، د لښتیو په ګډون دغه کوڅې چې په ټولیزه توګه، (٩٣٦) متره اوږدوالی او (۴) متره سور لري، چارې به یې ډیر ژر بشپړې او ګټې اخیستنې ته وسپارل شي. دغه پروژه د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته طرحه او پلې شوې ده، چې په بشپړېدو سره به یې د سیمې د اوسېدونکو پر وړاندې شته ستونزې هوارې او دوی به غوره ترانسپورتي اوټولنیزو آسانتیاوو ته لارسی ومومي