د شپږمې ناحیې اړوند د ۲۵ ګذر د توحید اباد او قلعه پخچک په سیمو کې د (۴) کوڅو د جوړولو چارې چې، څه موده وړاندې د کابل ښاروالۍ له خوا اود ملګرو ملتونو د پروژوي خدمتونو د دفتر په مرسته پیل شوې وې، د بشپړیدو په حال کې دی. د کابل ښاروالۍ د برنامو او پروژو د تنظیم رياست د مسؤلينو د څرګندونو له مخې، د لښتیو او پلچکونو په ګډون دغه کو څې چې، (٧٠٥) متره اوږدوالى او له (٤ څخه تر ٤،٥) مترو سور لري، د جوړولو چارې به یې تر راتلونکو درې ورځو پورې بشپړې شي. دغه پروژه له ښاري آسانتیاوو څخه محرومو سیمو ته ځانګړی اهمیت لري. ځکه چې په بشپړېدو سره به یې د سیمو اوسېدونکو پر وړاندې شته موسمي ستونزې هوارې او خلک به له غوره ښاري آسانتیاوو څخه برخمن شي