د لسمې ناحیې د مسئولینو له لوري د یادې ناحیې له بازارونو څخه څارنه وشوه چې په پایله کې یې (۸۰۰) کیلو ګرامه بې کیفیته خوراکي او غیر خوراکي توکي چې، د مصرف نېټه یې هم پای ته رسېدلې وه او دغه راز (۸۰) دانې لوډسپیکرونه چې، د غږیزې ککړتیا لامل ګرځېدلي وو راټول او د له منځه وړلو په موخه ټاکلي ځای ته ولېږدول شول. د ښاریانو د روغتیا خوندیتوب په موخه، د کابل ښاروالۍ د چاپېریالي روغتیا او چاپېریال ساتنې ریاست له لوري د حفظ الصحې له اړخه د اصنافو او هټېوالو له فعالیتونو څارنې روانې دي او له سرغړونکو سره قانوني چلند کیږي