د دیارلسمې ناحیې په اړوند سیمو کې د چرګ پلورونکو یو شمېر شرکتونو له فعالیتونو څارنه وشوه او هغه فعالیت کوونکو ته چې، سرغړونې یې درلودې روغتیايي سپارښتنې وشوې. د کابل ښاروالۍ د چاپېریالي روغتیا او چاپېریال ساتنې ریاست مرستیال ډاکتر مسعود فقیر وویل: له سرغړونکو څخه ژمنه واخیستل شوه څو، هرڅه ژر د خپل فعالیت په سیمه کې روغتیايي او د خوندیتوب سپارښتنې په پام کې ونیسي، له دې پرته به یې فعالیت بند شي. په همدې توګه فعالیت کوونکو ته وویل شول چې، د کار په سیمه کې د دوی لپاره د صحي کارت شتون او د غولي کاشي اړین دی او په ځانګړې توګه د چرګانو د حلالولو ځای باید معیاري او صحي وي. ډاکتر مسعود فقیر دغه راز زیاته کړه چې، د پلټنو په لړ کې دوی توانېدلي دي چې، څه باندې ۳۰۰ کیلو ګرامه د چرګانو خرابه غوښه تر پېژندلو وروسته د لمنځه وړلو په موخه ځانګړي ځای ته ولیږدوي او د سرغړونکي فعالیت بند کړي