د شپږمې ناحیې اړوند په ۳۲ او ۳۳م ګذر د قلعه مسلم، علي خان کوڅې او سر آسیاب په سیمو کې د لښتي او فرعي سړک د جوړولو چارې چې، څه موده وړاندې د کابل ښاروالۍ له لوري او د ملګرو ملتونو د پروژوي خدمتونو د دفتر په مرسته، پیل شوې وې، د بشپړېدو په حال کې دي. د کابل ښاروالۍ دبرنامو او پروژو د تنظیم ریاست د معلوماتو پر بنسټ؛ په دغو ګذرونو کې فرعي سړک (۱۰۱۴) متره اوږدوالی او له (۴ څخه تر ۵) مترو پورې سور لري چې، د لښتي او د (۱۸۲) مترو په اوږدوالي استنادي دیوال او د (۴) کانکرېټي کوچنیو پلونو جوړولو په ګډون به یې چارې په بنسټیزه توګه تر راتلونکې یوې اونۍ پورې بشپړې او ورسره جوخت به د سیمو اوسېدونکو ته ګڼ شمېر ټولنیزې او ښاري آسانتیاوې رامنځته شي. د یادولو وړ ده چې، د یادې پروژې له لارې ګڼ شمېر ښاریانو ته کاري بوختیاوې هم رامنځته شوې دي